Lidhur me vendimin për qëndrimin që do të mbajë karshi legjitimitetit të  kuvendit të Shqipërisë dhe pjesëmarrjes së grupit të saj parlamentar në të, PS-ja anëtarët në kryesinë e saj.
17 anëtarët e Kryesisë së PSSH-së kanë nisur të mbërrijnë për të marrë një vendim nëse socialistët do të bojkotojnë apo jo Kuvendin. Vendimi që do të merret nga kryesia do të konsultohet nesër me grupin parlamentar që do të mblidhet gjatë paradites.
Në mbledhjen me dyer të mbyllura do të diskutohen tre mundësitë që kanë të bëjnë me pozicionimin e grupit kuvendor socialist kundrejt legjislativit të ri.
Mundësia më reale për miratim, është natyrisht ajo e bojkotimit total të punimeve të Kuvendit. Gjatë këtyre ditëve kjo mundësi është mbrojtur fort nga ana e kryesocialistit Edi Rama.
Ndërsa, grupi i anëtarëve të kryesisë, mbështesin rezolutën e Asamblesë Kombëtare dhe jo atë të Kongresit, duke kërkuar pjesëmarrjen e deputetëve socialistë në Kuvend.
Mundësia e tretë, është ajo e pjesëmarrjes në Kuvend ditën e hënë për të berë betimin, si një akt që do të legjitimonte mandatet e gjithë të zgjedhurve socialistë. Më pas, do të procedohej me largimin e socialistëve nga parlamenti deri në përmbushjen e kërkesave të PS-së për hetimin e shkeljeve elektorale.
Në rast të miratimit të bojkotit të Kuvendit, PS-ja i ka gati edhe kushtet që do t'i vërë Partisë Demokratike si mundësia e vetme për t'u kthyer në Kuvend.
 
   Përgatiti:   Violeta  Ndoj
 




»»»