Kryeministri i Shqiëprisë Sali Berisha, i cili po qëndron në Kopenhagen për pjesëmarrjen në Samitin e Klimës, ka dhënë një intervistë për “BBC”. Ai ka deklaruar se qëndrimi që po mban opozita shqiptare në lidhje me kutitë e votimit, është paradoksal dhe se nuk do të ketë asnjë kompromis që del mbi vendimin e Gjykatave. Por, Berisha deklaroi gjithashtu se është gati të dialogojë dhe ta bashkëpunojë me opozitën për të cuar Shqipërinë më afër Bashkimit Europian. “Opozita ka vendosur të bëjë opozitë jashtë-parlamentare, duke deklaruar se nuk njeh rezultatin e zgjedhjeve, ky është qëndrimi më paradoksal. Qeveria e ka bërë ofertëm e saj dinjitoze për rikthimin e opozitës në Parlament dhe e mirëpret”, tha Berisha për “BBC”.
Berisha tha se shumica është e gatshme për bashkëpunim me opozitën, por e përjashtoi mundësinë e një kompromisi të mundshëm për kërkesën e opozitës që një komision parlamentar të hapë kutitë e votimit, si pjesë e hetimeve për parregullsitë në zgjedhje. Ai u shpreh për këtë: “Kushtetuta nuk e lejon këtë, ligji organik i komisioneve parlamentare nuk e lejon këtë, pra unë nuk mund të them se do të jetë çështje kompromisi shqyrtimi politik i vendimeve të gjykatave. Jam i sigurt se, nëqoftëse hapen kutitë dhe rinumërohen votat, unë do të fitoja një mandat në Fier, por nuk më lejohet mua, nuk ka ndodhur kurrë, që politikisht të shqyrtohet një vendim gjykate”.
 
 
    Pergatiti: Jonida Salku
 




»»»