Sejdiu, pret në takim Leterme
Kryeministri i Belgjikës Yves Leterme, ka zhvilluar sot një takim me Presidentin e Kosovës, Fatmir Sejdiu. Në këtë takim, sic njofton “NOA”, është diskutuar për marrëdhëniet mes dy vendeve, thellimin e bashkëpunimit si dhe integrimin e rajonit në BE. Lidhur me këtë të fundit, kryeministri Letereme e ka siguruar Presidentin Sejdiu se Kosova do të ketë mbështetjen e plotë të Belgjikës, për rrugën e saj drejt perspektivës europiane.
Presidenti Sejdiu, tha nga ana e tij se: “vizioni i popullit dhe institucioneve të Republikës së Kosovës është integrimi sa më i shpejtë në Bashkimin Evropian dhe në NATO”, duke shtuar se Kosova angazhohet për integrimin e të gjithë rajonit në strukturat euroatlantike.
Pergatiti: Violeta Ndoj
-
Komisioni i Ekonomisë, ndryshon ligjin e legalizimeve
-
Zonat informale që janë futur në proces legalizimi do të mund të paguajnë me letra me vlerë gjysmën e vlerës së truallit.
Komisioni Parlamentar për Ekonominë dhe Financat e ndryshimeve ligjore e kanë miratuar këtë projektligj pas disa javë diskutimesh. Në bazë të këtij projektligji, sipërfaqet brënda apo jashtë vijave të verdha pjesa mbi 300 dhe 500 metra katrorë do të paguhet deri në 50% me letra me vlerë.
Isida Koka, eksperte e Ministrisë së Financave, cituar nga “Alsat”, është shprehur se: “Projekti ka si synim që të saktësojë që me bono privatizimi deri në 50% të vlerës së legalizimit jashtë vijave të verdha për sipërfaqe të parashikuara në pikat përkatëse të nenit 19 mund të behet legalizimi deri ne 50% me bono privatizimi. Gjithashtu ndryshimi ka prekur edhe nenin 20 për të saktësuar sipërfaqet për të cilat legalizimi do të bëhet pjesërisht në lekë dhe pjesërisht, deri në 50% të saj, me bono privatizimi”.
Pergatiti: Violeta Ndoj
»»»
