Topalli, takon kryeparlamentaren e Pakistanit
Kryetarja e Kuvendit Jozefina Topalli, mori pjesë në punimet e Samitit Botëror në Ankara “Të drejtat e gruas lidhin lindjen me perëndimin”. Topalli me këtë rast, sipas agjensisë “NOA”, ka zhvilluar takime me personalitete turke, ministre e deputetë, si dhe me figura të njohura parlamentare nga vende të ndryshme të pranishme në këtë konferencë.
Të drejtat e grave, janë konsideruar si një cështje që duhet t’i jepet prioritet në axhendën e parlamentarëve, gjatë takimit që znj.Topalli pati me homologen e saj të Pakistanit, Fahmida Mirza.
Të dyja lideret ishin të mendimit se bashkëpunimi mes parlamenteve të dy vendeve duhet të thellohet. Ato theksuan nevojën e shkëmbimit të vizitave dhe përvojave në të gjitha nivelet parlamentare. Nga ana e saj, Kryeparlamentarja e Pakistanit Mirza ka shprehur kënaqësinë për marrëdhëniet miqësore që ekzistojnë mes dy vendeve tona. Duke shprehur dëshirën për të vizituar Shqipërinë, Mirza i ka uruar mirserdhjen homologes shqiptare në vendin e saj.
Pergatiti: Violeta Ndoj
-
Szekeres: Hungaria do të mbështesë hyrjen e Shqipërisë në BE
-
Në një vizitë të tij në Tiranë, ministri i Mbrojtjes i Hungarisë Imers Szekeres takoi homologun e tij shqiptar Gazmend Oketa. Ai garantoi ministrin tonë se në rrugën e saj drejt anëtarësimit në Bashkimin Europian, Shqipëria do të ketë mbështetje të plotë nga Hungaria, sic e mbështeti në anëtarësimin në NATO, po ashtu sic ka mbështetur edhe pavarësinë e Kosovës. Szekeres shprehu se e vlerëson faktin që Shqipëria ka kontibuar për stabilite tin në Ballkan. Ai tregoi gadishmëri në emër të qeverisë hungareze, për të vazhduar më tej bashkëpunimet dhe investimet në Shqipëri.
»»»
