Berisha takon Sekretarin e Traktatit të Atlantikut
Kryeministri Sali Berisha, ka pritur sot në një takim Sekretarin e Përgjithshëm të Shoqatës së Traktatit të Atlantikut, Troels Froling. Kjo Shoqatë u krijua në1954-ën për mbështetjen e misionit të NATO-s dhe ka të anëtarësuar personalitete të shquar të politikës, jetës akademike, shoqërisë civile dhe të tjerë, të më shumë se 42 vendeve.
Berisha ka konfirmuar mbështetjen e Shqipërisë për organizimin dhe zhvillimin e Asamblesë se Përgjithshme kësa Shoqate në Tiranë, në vjeshtë të vitit 2010. Ai gjithashtu, vlerësoi punën dhe kontributin e Shoqatës për informimin e publikut dhe promovimin e vizionit për paqen, sigurinë globale dhe vlerave të lirisë e demokracisë, që mbron NATO.
Ndërsa nga ana e tij Froling falenderoi Berishën për mbështetjen dhe pritjen. Sic bën të ditur agjencia NOA, Froling ka shprehur mirënjohjen për qeverinë shqiptare, për mbështetjen që po jep për organizimin e Asamblesë së Përgjithshme në vjeshtë në Tiranë.
Pergatiti: Jonida Salku
-
Topi takon Vujanovic: Kosova duhet të përfshihet në rajon
-
Në kuadër të zhvillimit të samitit të Cetinjës që zhvillohet në Mal të Zi, për kulturën e vendeve të Europës Juglindore, Topi gjendet atje si pjesëmarrës në këtë samit. Presidenti i Shqipërisë Bamir Topi ka takuar dje në Budva të Malit të Zi, homologun e tij Filip Vujanovic. Pas lajmit se ne samitin e Cetinjës nuk ishte ftuar presidenti kosovar Fatmir Sejdiu, Topi i tha Vujanovic se Kosova është tashmë shtet demokratik e shumëetnik dhe duhet të përfshihet në cfarëdolloj nisme të rajonit, gjë që do të forconte edhe bashkëpunimin mes këtyre shteteve. Ndërsa Vujanovic, tha nga ana e tij se ishte i interesuar për rritjen e bashkëpunimit midis vendeve rajonale, në kuadër të integrimit të tyre të përbashkët në strukturat euroatlantike. Ai u shpreh se vlerësonte bashkëpunimin e vendit të tij me Shqipërinë në të gjitha fushat, pasi ishte një bashkëpunim jo vetëm i dobishëm për këto dy shtete, por edhe një shembull pozitiv për rajonin. »»»
