Përfaqësues të Shteteve të Bashkuara të Amerikës dhe të Kinës, kanë përfunduar raundin e parë të bisedimeve për një strategji vjetore ekonomike që do të ndihmon në nxjerrjen e botës nga kriza ekonomike. SHBA dhe Kina me këtë rast kanë përforcuar edhe marrëdhëniet e tyre duke lidhur një aleancë më të ngushtë. Këto dy vende kanë nënshkruar dhe një memorandum mbi ndryshimin e klimës, si dhe kanë rënë dakort për të mbajtur shpenzimet stimuluese dhe për rimëkëmbjen e ekonomisë. Po ashtu, është rënë dakort midis tyre që të merren masa për të zvogëluar luhatjet tregtare, ku Uashingtoni duhet të rrisë kursimet private e Pekini duhet të punojë për nxitjen e kërkesave. Sekretarja amerikane e shtetit Hillari Klinton, që ishte pjesëmarrëse në këtë takim, ka deklaruar se hedhja e hapave të tillë është një investim që do të japë arritje. Ndërsa Sekretari i Thesarit i SHBA, Timothy Geithner, u shpreh se: “Ne duam të jemi shumë të kujdesshëm, duke qënë se do të punojmë së bashku për të zvogëluar ritjen e krizës ekonomike globale. Kështu që si pjesë e kësaj dhe përsëri kjo është gjëja më kritike, do të rritim kursimet private në SHBA për të rrëzuar deficitin tonë fiskal në të ardhmen, për të vendosur në vend një sistem financiar më të qëndrueshëm dhe më të besueshëm. Ne kemi nevojë të shohim veprime në Kinë dhe në vende të tjera për të zhvendosur burimet e rritjes në më shumë kërkesa të brendshme”.
Në këtë raund strategjik është biseduar gjithashtu edhe për Iranin e Korenë e Veriut, ku duket se Kina e SHBA kanë ndarë të njëjtat mendime e shqetësime.
 
                 Jonida Salku



»»»