McIlwham: Dhuna, problem shqetësues në Shqipëri

Duke iu rferuar raportit më të fundit që publikoi raportuesi i Organizatës së Kombeve të Bashkuara Philip Alston për Shqipërinë, edhe Ambasadorja britanike në Tiranë Fiona McIlwham, ka deklaruar dje në ditën e gruas se dhuna mbetet një problem shqetësues për Shqipërinë. Edhe pse ka vlerësuar ndryshimet pozitive që ka pësuar legjislacioni shqiptar  në këtë drejtim, Ambasadorja birtanike mendon se reformat nuk janë të mjaftueshme.

McIlwham i tërhoqi këtu vëmendjen edhe mediave, që shpeshherë i trajtojnë kronikat e dhunës në mënyrë të papërgjegjshme. Ajo sugjeron që gratë shqiptare duhet të përfshihen në luftë individuale për të drejtat e tyre. “Barazia gjinore dhe anti-diskriminimi nuk mund të jenë një ditë, një ligj, një program apo një titull në media. Në Mbretërinë e Bashkuar, ne jemi të qartë se diversiteti është diçka që shkon në zemër të Britanisë moderne dhe në thelbin tonë si popull evropian. Kjo është ajo që na jep forcë dhe dinamizëm. Por është në dorën e të gjithë ne, qeveritë, shoqëria civile, qytetarët, burra, gra, qoftë në Mbretërinë e Bashkuar, në BE apo në Shqipëri, për tu siguruar që do të shfrytëzojmë plotësisht këtë talent dhe energji”, tha McIlwham.

     Pergatiti: Jonida Salku