Shqiptari hedh në gjyq SHBA-në

Emigranti shqiptar Bledar Vaso, ka paditur Shtetet e Bashkuara të Amerikës në Gjykatën e Apelit të atjeshme, pasi e kanë dëbuar në vitin 1997. Në këtë vit, shtetasi Vaso hyri në SHBA me një pasaportë italiane, që rezultoi e falsifikuar, ndaj u dëbua nga SHBA. Ai aplikoi më pas në këtë shtet për të kërkuar azil, duke deklaruar se ishte larguar vullnetarisht. Në dhjetor të 1998-ës, emigrantit iu mohua e drejta për azil nga gjyqtari i emigracionit dhe pas një sërë këmbënguljesh, në vitin 2003 u mohuan përfundimisht aplikimet e shqiptarit nga Bordi i Ankesave të Emigracionit në SHBA. Vaso kërkoi rishikim të cështjes, ndëkohë që për periudhën 10 vjecare, u la të qëndronte i lirë në SHBA, ku u martua me një shtetase amerikane me të cilën ka dy fëmijë. Në gusht të 2007-ës ai u arrestua për tu dëbuar, ndërkohë që kërkoi ndihmë nga USCIS për të shmangur largimin nga SHBA. USCIS vendosi se aplikimi i shqiptarit ishte i papranueshëm, në dhjetor 2007, USCIS lëshuar një njoftim për të mohuar aplikimin. Në përgjigje të kësaj, në dhjetor, 2007, Vaso dorëzoi një Kërkesë për anulimin e vendimit me arsyen e papranueshmërisë, pasi largimi i tij nga SHBA, do të krijonte vështirësi për gruan e tij amerikane. Ndërkohë, në janar 2008, pas refuzimit të dy kërkesave, Vaso ka hedhur në gjyq Shtetet e Bashkuara të Amerikës, kështu gjykata po merret tashmë me këtë cështje të radhës të kalvarit të emigrantit shqiptar.

   Pergatiti: Jonida Salku