Scarlett: Jam lodhur me teatrin

Aktorja Scarlett Johansson, e cila kohët e fundit është angazhuar thuajse tërësisht me shfaqjet teatrale, shprehet se është lodhur prej tyre. Ajo luan prej disa muajsh në Broadway pjesën teatrale “Pamje nga Rruga”, ku ka rolin e një adoleshenteje dhe ka marrë mjaft kritika pozitive për këtë punë. Por Scarlett shprehet se është shumë e lodhur nga kjo punë intensive. “Kam humbur sensin e kohës. Tetë shfaqje teatrale në jave, dy shfaqje të mërkurën dhe dy të shtunën është një punë tepër e madhe dhe shumë e lodhshme. Është një lodhje e tmershme mendore. Vërtet kam humbur sensin e kohës. Është rraskapitëse për mua. Vërtet nuk mund ta shpjegoj sesa rraskapitëse është”, shprehet aktorja.

    Pergatiti: Jonida Salku